Chhandamna Sipai pawl, India Eastern Territory enkawl Home hrang hranga naupangte intawhkhawm runpui Social Festivel, Embrace tia vuah chu Dawrpui Multipurpose Hall-ah nizan khan Territorial Commander Commr. Lalzamlova’n a hawng. He Embrace hian tunkar Pathianni zan thleng a awh dawn a ni.

0
396
views

A hmanpuitu Chief Minister Pu Zoramthanga chuan, Sipai Pawlin mitdel, bengngawng, fahrah, ruihhlo ngaite leh tar enkawlna hmun \hahnem tak a buatsaih chu fakawm a tih thu a sawi a, Eng hnam leh sakhaw bia eng anga tlachham pawh nise midangte tana nun petu chu tumahin an dah hniam ngai lo a ni a ti.

Social Welfare Minister Dr K Beichhua pawhin thusawiin, Sipai Pawlin mamawhtute tana rawngbawlna a kalpui dan chu fakawm a tih thu a sawi a, Social Welfare Dept in a puih theihna turah te puih zel a inhuam thu a sawi.

Embrace hawnna inkhawmah hian home naupangten an talent leh thiam thil hrang hrangte an entir a, Embrace programme an hman chhung hian intihlimna chi hrang hrang leh inelna thianghlim te an nei dawn a ni.