Chhattisgarh-a Maoist hel pawl kahhlum-te Telangana Hospital-ah phur thleng, an nihna hriat chhuah tum

Chhatisgarh Bijapur District-a Maoist helpawl mi 10 sipaiten an kahhlum zinga 8 te chu Telangana Hospital ah helicopter hmanga phurh thlen an ni a, an nihna kimchang hriat chhuah thuai beisei a ni tih thuneituten an sawi. Naxal hel pawlte beilettu Greihounds te chuan Chhatisgarh Police te nen tangrualin, Bijapur District huam chhung Pujari Kanker bula Maoist te inkulhna hmun chu nimin khan an bei a, Maoist mi leh sa 10 an kaphlum a, an zinga 6 chu hmeichhia an ni a, Greyhounds member pakhat pawh kahhlum a ni. Naxals helpawl mi pahnih ruang leh Greyhounds Commando zinga thi ve pakhat ruang chu nimin vek khan helicopter hmanga lak an lo ni tawh a, a bak zawngte hi vawiin khan phurh chhuah leh an ni ta a ni tih Polite te chuan an sawi. Telangana leh Chhatisgarh Police te hian ramri hnaiha hel pawlte tawmrukna hmun nia hriatah te beihpui an thlak chho mek a ni,