Chhattisgarh Raipur-a thir chherna hmunpui, Bhilai Steel Plant-a tuialhthei lakna pipe puak vanga thi zat chu mi 11 an tling tawh.

0
463
views

 

Puan tawh angin Steel Authority of India, SAIL enkawl lai, Bhilai Steel Plant-a tuialhthei lakna pipe chu thawhlehni khan a puak a, a hmunah mi 9 an thi nghal a ni. Thuneitute chuan thi pahnih-te hi an taksa zaa 80 vel a kang niin an sawi a, hliam dang zingah pawh dinhmun ngaihtuahawm tak tak an la awm tih an sawi bawk a ni. Poli lam chuan thi-te hi an ruang endik a nih hnuah, IPC Section 304 tlawhchhanin himna ngaihthah vanga thihna thleng thubuai an ziak lut dawn tih an sawi a, Union Steel Minister Birender Singh pawhin he thil thleng vang hian Bhilai Steel Plant hotu, CEO leh officer dang pahnih chu vawiin a\ang khan an hna a\angin a chawlhtir nghal bawk a, chhiatna thlen dan kimchang taka chhui tur committee din a nih thu a sawi bawk a ni.