Chhimbial Journalists’ Meet Lawngtlai Press Club-a nizana a\anah National Highway 54 \ha taka siam zo vat turin sorkarin hma la rawh se tih resolution lungrual taka pass a ni.

0
429
views

He Journalist meet-ah hian chhim lama District hrang hrang tan National Highway 54 pawimawh zia leh siam\hat thuai a ngaihzia tarlan a ni. Hetah hian Lawngtlai District MJA te bakah Siaha leh Lunglei District MJA member te an tel a ni.

Nizana Journalist Meet inkhawm hi Lawngtlai District MJA President, ZD Dengngura’n a kaihruai a, hetah hian Lunglei DIPRO, Pi C. Lalremruati bakah Lawngtlai DIPRO Pu C. Lalhruaitluanga te chuan thusawiin thuthar thehdarhtute leh Mizoram sorkar hnuaia Information & Public Relation Deptt. mite inkara thawhhona \ha neih a pawimawh dan an sawi a ni. PHE leh PWD Officer te pawhin mipuite tana hna an thawh dan leh thuthar thehdarhtute nena hmalak ho a \ul dan an sawi bawk a ni.

Chhimbial Journalists’ Meet-a tel te hian vawiin hian Kaladan Multi Modal Transit Transport Project kawng Zochachhuah thleng an tlawh a, hemi rual hian ramria boruak awmdan an thlithlai bawk a, naktuk, Inrinniah Lawngtlai tuilakna Greater Lawngtlai Water Supply Scheme-a Water Treatment Plant an tlawh leh dawn a ni.