Chhimtuipui Presbytery huamchhunga mite tan Ramthar Campaign

0
362
views

Mizoram Synod ruahman angin Chhimtuipui Presbytery huamchhunga mite tan Ramthar Campaign vawiin atang khan Lawngtlai Bazar Venga Presbyterian Kohhran Biak Inah neih a ni. Hei hian naktuk, Pathianni thleng a awh ang. Vawiin nileng khan Bazar Kohhran Sunday School Hall-ah Seminar neih a ni a, hetah hian Ramthar Campaign neih chhung hian ramthar lam hawi rawngbawlna ngawrh zawk leh huam zau zawka neih dan tur te inzirtir a ni a, vawiin tlai khan mikhualte pualin ruai buatsaih a ni. He Ramthar Campaign-ah hian Aizawl atangin Rev. C. Lalrintluanga, Upa Vanlalngaia, Pu C. Lianthanga leh Pu Lawmnakima Hmar te an tel a, heng mite hian naktuk Pathianni chawhma, chawhnu leh zanah Lawngtlai khawpui chhunga Kohhran hrang hranga insemdarhin Ramthar Campaign an nei dawn a ni.