Chidambaram te pafa court-ah inlan

0
638
views

Union Finance Minister hlui P Chidambaram leh a fapa, Karti Chidambaram chu vawiin khan court-ah an inlan leh a, P Chidambaram chuan INX Media chhui tura thupetu a nih thu sawiin, a fapa inrawlh ve anga sawi chu thu dik lo a ni a ti. Puan tawh angin Karti hi nimin khan Chennai khawpui tumhmunah CBI-ten an man a, a ukil nen Delhi Patiala House Court-ah hruai nghal an ni a, a pa Union Finance Minister a nih laiin, INC Media-in dik lo taka ram pawn atanga sum a lakluhna-ah, thamna la-ah puh a ni a, hei hi politics thila a laka phuba lak tumna a nih thu, P Chidambaram hian court a hrilh a ni. CBI-te chuan Karti hian INX Media hotu pahnih, Peter Mukerjea leh a unaunu, Indrani Mukerjea te pawh Income Tax Department lakah a hum niin an sawi a, Mukerjea-te unau hi Indrani fanu, Sheena Bora thah chungchang thubuai-ah kum 2015 atang khan lung-inah an tang tawh a, Indrani hian an company, INX Media-in sum a lakluh theihna atan hian P Chidambaram hi an hmuh ngei thu Enforcement Directorate pawh an lo hrilh tawh a ni.