Chief Election Commissioner, Pu Om Prakash Rawat a’n Tripura Bru Relief Camp-a awmte Camp chhunga vote thlak tir tawh loh tura Election Commission thu dah chu kenkawh a ni ang a, hemi rual hian Constitution hnuaia vote thlak theihna right an neih vangin vote nei zawng zawng ten vote an thlak theih dan tur ngaihtuah tel a ni ang a ti.

0
305
views

 

Aizawl Club-a thuthar thehdarhtute a kawmnaah zawhna chhangin he thu hi a sawi a. CEC chuan tun \uma Mizoram Assembly inthlanpui lo awm turah hian Tripura Bru Relief Camp-a Mizoram mi vote nei awmte vote thlak theih nan inthlanna buaipuitute Camp-ah tirh an ni tawh lovang tih chiang takin a sawi lova, hemi rual hian vote neiten ram danpui anga inthlannaa vote an thlak theih dan tur erawh chu Election Commission-in a ngaihtuah dawn tih a sawi thung.

Zawhna dang chhangin CEC chuan tun hnaia Supreme Court thutlukna siam angin politics then thianghlim nan dan bawhchhiat vanga Court-in thiam loh chantir tawh te, pawikhawih vanga thubuai nei te chu tarlan an ni dawn niin a sawi. Mizoram Assembly inthlanna buatsaih dan a hmuna an enfiahnaah \ha tawka an hriat thu te, Mizoramah tun hma ang bawka inthlanna dik, thianghlim leh felfai a awm leh a beisei thu te sawiin, Political Party hrang hrang leh tlawmngai pawlte hnen a\angte, District hrang hrang hotute, dan leh thupek kengkawhtute leh sorkar officer lian te an kawm tawh thu te, chung mite a\anga an thil ngaihpawimawh leh duhdan tarlante ngaihthlak a ni tih a sawi a, chungte chu Commission chuan \ul a tih dan anga a enzui tur thu a sawi bawk. Mi pawimawh an kawmte chuan EVM rintlak tawk leh tawk loh chungchangte, Chakma Autonomous District Council chungchangte, sum sem leh NLUP kalpui dan chungchangte, inthlannaa candidate te sum sen zat tur bituk tihpun chungchangte, an thil ngaihpawimawh sawi chhuah zingah chuan a tel niin a sawi a ni. Chief Election Commissioner chuan Mizoram chhunga Constitution tinah Polling Station pakhat \heuh hmeichhia hlirin an vil tur siam a ni dawn niin a sawi bawk a ni.

Puan tawh angin Chief Election Commissioner hi mi pawimawh dang paruk, Election Commissioner pahnih, Pu Sunil Arora leh Pu Ashok Lavasa te, Deputy Election Commissioner, Pu Sudeep Jain, Director General Pu Dhirendra Ojha, Director Pu Vikram Batra leh Secretary Pu SB Joshi ten an \awiawm a, vawiin chawhnu khan Aizawl chhuahsanin New Delhi lam an pan lehnghal a ni.