Chief Electoral Officer, Pu Ashish Kundra-a’n tlawmngai pawl intelkhawmin inthlan boycot an tum loh thu an sawi laia inthlanna tibuai tur zawnga Total Bandh huaihawt an tum thu an sawi chu pawi a tih thu a sawi.

0
251
views

Vawiina Aizawla chanchinbumite a kawmnaah CEO hian Tuikuk-te vote thlak chungchang leh thil \ul dang dangah dik taka thil kalpui a nih theih nan Election Department chuan theihtawp a chhuah tih a sawi a, Bru-te vote thlak chungchang tun hnaia Jt. NGO Coordiantion Committee hruaitute nen an sawi hona bakah Mizoram Kohhran hruaitute Committee leh Kohhran dang hruaitute leh Tlawmngai Pawl dangte nen an sawi ho \umin inthlan Boycott an tum loh thu an lo sawi tawh a ni a ti a, hetiang a nih mek laia thutlukna thar siam a, inthlan boycott ni mai lova April ni 8 a\anga Bandh huaihawt an tum thu an puang chuan a barakhaih hle tih a sawi.

Jt. NGO Coordiantion Committee ruahman anga inthlan hi dodal a nih chuan Democracy palzutna a nih theih avangin mipuite chu vote thlak vek turin a sawm tih CEO hian a sawi a. Jt. NGO thilphut zinga Bru voter \henkhat Electoral Roll a\anga paih chu dan mit a\anga thlir leh ECI-in inkaihhruaina dan a siam ang chuan tihhlawhtlin mai theih a ni lo nia sawiin inthlan kumah chuan a hlawma Electoral Roll a\anga paih chu thil theih loh a ni a ti. Tripura-a awm mek Bru-te chu Mizorama cheng an nih loh avanga Mizoram Electoral Roll-a chuang tur an ni lo anga Jt. NGO-in an sawi pawh hun kal tawh a\anga thlir chuan Mizoram mi dik tak an ni tih a chiang a, tun hnaiah Mizorama an awm tawh loh avang erawh chuan Mizoram mi an nih leh nih loh chu ECI thutlukna siam tur a ni a, Jt NGO te duhdan chu tihhlawhtlin mai theih a ni lo a ti a, hetihrual hian an thil phut chungchang leh a phena thil awmah erawh Mizo mipuite rilru tur chu a hriatthiampui thu sawiin chutihrualin, dan hmanga rorel tur a ni tih hriat a ngai a ni, a ti.

Pu Ashish Kundra chuan, nikuma Mizoram Assembly inthlanpui neih zawh takah Bru-te chu Kanhmuna an vote thlakna tur bik siamah vote thlak tir an ni tih sawiin, hei hi hetiang ruahmanna an siam hmasak ber a ni a, hemi \um hian mi 6,000 zetin vote an thlak a, buaina leh harsatna awm lovin vote an thlak hnuah an awmna Tripura lamah an kir leh mai a, hetiang bawk hian tuna Lok Sabha inthlanpui neih turah pawh ruahmanna siam a ni a ti a, Mizoram mipuite chu he inthlan neih turah hian buaina siam lova vote thlak vek turin a sawm a ni. Zawhna chhangin CEO chuan, Jt. NGO-in Bandh an neih tur chu kaltlangpuiin mipuiten vote thlak thei lo pawh ni se, service vote tlate chhiar tho a nih tur thu a sawi a, hetihrual hian YMA emaw NGO emawte puihna tel lo chuan inthlanna tluantling a awm theih dawn loh avangin buaina leh harsatna siam lo hram turin a ngen tih CEO chuan a sawi.

Pu Ashish Kundra chuan, April ni 11-a Lok Sabha inthlanpui neih turah Mizoram aiawha sorkar laipuia thu thlentu tur mi \ha tak thlan chhuah a nih theih nan tlawmngai pawl leh Mizoram mipui zawng zawng chu vote thlak vek turin a sawm a ni.