Chief Electoral Officer, Pu SB Shashank a’n Mizoram Assembly inthlanna neih huna Assistant Expenditure Observers turte tan training vawiin khan Aizawla NLUP Conference Hall-ah a neihpui.

0
352
views

 

Thusawiin CEO chuan Assistant Expenditure Observers tura ruatte chu inthlan hun puan a nih hunah Model Code of Conduct puan a nih hunah tih tur leh tih loh tur tam tak an nei dawn tih a hrilh a, an hriat tur pawimawh zingah chuan inthlanna dan dinglai angin candidate pakhatin cheng nuai 20 bak hman phal a ni dawn lo tih te, dan palzuta thil ti an awm leh awm loh enfiah chu an hna thawh tur a ni tih a hrilh a ni. CEO chuan Assistant Expenditure Observers te leh Media Certification and Monitoring Committee te thawhhona leh inrawntawnna pawh thil pawimawh tak a ni tih a sawi a, an hnathawh chu inthlanna dik leh felfai tak neih nan thil pawimawh a ni tih hrereng turin a chah a ni. He orientation training-ah hian Mizoram chhunga district hrang hranga Assistant Expenditure Observers atan ruatte bakah Mizoram Police DIG Hqrs. Pu John Neihlaia, Nodal Officer for Election Expenditure Monitoring, Guwahati a\anga lo kal, Income Tax Department Dy. Director, Pu Rocktim Saikia leh Excise Department aiawh te an tel a ni.