Chief Minister Pu Lal Thanhawla hova Council of Ministers nimina Aizawla thukhawmin Seventh Pay anga Mizoram sorkar hnathawkte hlawh pekna tur dan a pawm a, Social Welare Dept chu Dept pahniha then a rel bawk.

0
498
views

Social Welfare Directorate chu Directorate of Social Welfare & Tribal Affairs tih leh Directorate of Women and Child Development ah \hen hran a ni dawn a, heng bakah hian Council of Ministers \hukhawm hian Work-charged Overseer Grade-II te Work-charged JE (PWD) a leh dilna te; The Mizoram Private Security Agencies (Amendment) Rules, 2018 te; Framing of the Mizoram Lotteries (Regulations) Rules, 2018 te; The Mizoram Ministerial Service (Amendment) Rules, 2017 te a pawm a, GNM school pali din tura hnathawktu thar 50 lakna tur leh ANM School 3 din theih nana post hrang hrang 50 siam te pawh a remti a; Higher Secondary School-a Vocational Education Teacher post 36 siam thar pawh a remti bawk.

School Education Department hnuaia Aided/Non-Formal Primary School zirtirtu 36 te dah nghet tura rawtna lut chu heng zirtirtute hlawh hi tihpun sak turin Cabinet meeting hian a rel a. Health & Family Welfare atanga rawtna, “Mizoram Institute of Medical Education & Research, Falkawn” tih chu “Mizoram Institute of Medical Education and Research Society, Falkawn, Mizoram tia thlak remtih a ni a. Department pahnih chhunfin tak vanga Commerce & Industries hnuaia sawrkar hnathawkte awmdan tur tifel tura DP&AR rawtna pawh pawm a ni bawk.