Chief Minister, Pu Lal Thanhawla hovin Mizoram State Health Care Society Governing Board meeting chu vawiin khan Chief Minister Pisa-ah neih a ni.

0
272
views

Hetah hian Health & Family Welfare Minister, Pu Lal Thanzara leh member dangte an tel a, he meeting hian chhungkaw khawsak harsa zawkten damloh nikhuaa an inenkawlna sum sen Rashtriya Swasthya Bima Yojana (RBSY) a\anga an hmuhlet theihna dan hman mek chu sorkar laipui duhdan angin Pradhan Mantri Jan Arogya Yojana (PMJAY)-a thlak a nih dawn thu tarlan a ni a, hemi kawnga thil tih ngaite bawhzui dan tur chu Health Care Society Governing Body meeting chuan a ruahman a ni.

PMJAY hian RSBY hnuaia inziaklut tawh sa te leh Rural Development Socio Economic Caste Census-in mi harsa zuala a dahte a huam nghal dawn a, hemi bakah hian Committee chuan tuna state sorkarin chhungkaw khawsak pangngaia khawsa thei, Above Poverty Line chhungkua te tana Mizoram State Health Care Scheme a siam chu PMJAY nen hian thlunzawm ni se tih a rel tel bawk a ni.
PMJAY hnuaiah hian cheng nuai 5 thleng inenkawlna senso a bill theih a ni dawn a, hemi hmalam hian MSHCS hnuaiah cheng nuai 3 thleng bill theih a ni \hin a, MSHCS hnuaiah hian natna khirh zual chauh bill phal \hin a ni a, PMJAY hnuaiah chuan zau zawkin natna chi hrang hrang 1,395 chuang veite enkawlna senso bill theih a ni dawn a ni. MSHCS hnuaia chhungkaw member 5 chin tan bill theih ni \hin pawh PMJAY hnuaiah chuan chhungkaw member bill phal zat bithliah a awm tawh dawn lo a ni.

Meeting-ah hian PMJAY kalpui a nih hnua sorkar hospital-te claim chungchanga inkaihhruaina tur te, PMJAY avanga thawktu thar lak mamawh chungchangte leh \ul dangte sawiho a ni bawk.