Chief Minister, Pu Lal Thanhawla, MPCC President ni bawk chuan tuna Mizorama phalna pe chhuaka zu zawrh \hat leh \hat loh zirchiangtu Study Group chuan khuahkhirhna lam tih \hat an rawt niin a sawi a, Study Group zirchianna a\anga \ha lo zawk nia hriat a nih chuan zu khapna dan hman leh kawngah sorkar a tim dawn lo niin a sawi.

0
402
views

 

He thu hi an party manifesto tlangzarhna inkhawm Vanapa Hall-a neihah sawiin Pu Lal Thanhawla chuan dan bawhchhiaa zu zawrh khauh zawka khuahkhirh turin Excise Constable 10 lakbelh an nih tawh thu te, khauh zawka khuahkhirh nan Excise Enforcement Staff leh Police-te \anrual tira khauh zawka duty tir tum an nih thu te a sawi a, Krismas leh kumthar lo thleng turah pawh khauh zawka khuahkhirhna kalpui tum a ni dawn tih a sawi bawk. Pu Lal Thanhawla chuan tun hma khan zu khapna dan rei tak lo hman tawh a nih thu te, chutah chuan sorkar hmalakna duh anga a hlawhtlin loh thu te, hun lo kal zelah sorkar kut tichaktu an tlem tak thu te, zu chhia a pun thu leh Aizawl khawpui chhehvelah zu zawrhna hmun nasa taka zu in miten an bawh thu te sawiin, tunah hian kawng \ha zawk zawn nan MLPC Act hman a nih thu a sawi a ni. Pu Lal Thanhawla chuan Mizoram Assembly inthlanna neih turah Congress chu an sorkar leh ngei dawn nia sawiin, hei hi term thum an sorkar zawnna tur a ni dawn niin a sawi a ni.
|hahnemngai taka an party tana hnathawk turin party mite a fuih bawk. Pu Lal Thanhawla chuan Lal Isua thusawi, keimah lovin engmah intithei si lo tih la chhuakin Pathian lam \ang nih tum tur leh Pathian lam \anga hnathawk turin party mite a fuih a, hunrei tak chhung Mizoram buai chinfelna tura Chief Minister lal\huthleng MNF hruaitu Pu Laldenga tan a hlan chu remna leh muanna atana thil tih leh Pathian duhzawng niin a sawi a, remna leh muanna boruak Congress sorkarin hmasawnna hna chhinchhiah tlak tak tak a thawk niin a sawi a, chung zingah chuan Tuirial Hydel Project kawlphetha megawatt 60 pe chhuak thei, MNF sorkar hunlaia hluihlawn tawh siam puitlin tak te, Falkawna Referral Hospital MNF sorkar laia tihchingpen tawh, tuna Mizoram Medical College-a an siam leh tak te a tel niin a sawi. Pu Lal Thanhawla chuan Mizoram Gross Domestic Product chu India rama State ti \ha zual pali zingah a tel phak niin a sawi a, mimal sum lakluh zat, per capita income pawh ram pum chawhrual aiin cheng sang hnih chuangin a sang zawk niin a sawi bawk. He inkhawmah hian MPCC Campaign Committee Chairman, Pu Zodintluanga leh MPCC Vice President, Pu CL Ruala, Lok Sabha Member, Campaign Committee Vice Chairman ni bawk te pawhin thu an sawi a ni.