Chief Minister, Pu Lal Thanhawla, MPCC President ni bawk in an Party Vice President ni \hin, Pu R. Lalzirliana a chhuah hnua tunhnaia Congress Bhavan a tlawhin mipuite hlim takin an lo zai a, hnara hlit phawi ang huai a ni a ti.

0
289
views

 

He thu hi Phawngpui North leh South Congress Joint Block Conference nimina Sangau-II Multiporpose Hall-a neihah a sawi a ni.

Pu Lal Thanhawla hian Lawngtlai East Constituency-ah Congress Party ticket-in tuna MLA ni lai, Pu H. Zothangliana chu a ding nawn leh dawn tih a puang nghal a ni.

NLUP chungchang sawiin Pu Lal Thanhawla chuan NLUP chu mi \henkhatin sawisel mahsela, sorkarin a hman tirh a\anga tun thlengin chhungkaw 1,30,000 chuang-in \anpuina an dawng tawh a, Congress sorkar chuan sem chhunzawm zel a tum a, Mizoram sorkarin hmasawnna rahbi chhinchhiah tlak tam tak a siamte chu Pathian rawng bawl vanga Pathian malsawmna an dawn let nia sawiin, an hnathawh chhinchhiah tlak zingah chuan Mizorama rel station hmasa ber, Bairabia hawn tak te, Lengpui Airport siamte, MBBS zir theihna MIMER hawn tak te, Lawngtlai khawpuia chengten tui thianghlim in tur tam tawk an hmuh theihna tur Greater Lawngtlai Water Supply Scheme te, Myanmar nena insumdawn tawnna tur, Kaladan Multi Modal Transit Transport Project te niin a sawi a ni.

He Joint Block Conference-ah hian Lawngtlai East Bialtu MLA, Pu H. Zothangliana pawhin thu a sawi a, an party Vice President hlui, Pu R. Lalzirliana chungchang sawiin mahni siam liantu leh chaw petu phiara, beizuitute chuan tluang takin hun an hmang zui ngai lo niin a sawi a ni. He Joint Block Conference hi Phawngpui North Congress Block, President, Pu H. Lalthanvawra’n a kaihruai a, hetah hian Lai Autonomous District Council Chief Executive Member, Pu T.Zakunga leh Lai District Congress Committee President, Pu J. Ropianga te pawhin thu an sawi a ni. He inkhawmah hian Pu Lal Thanhawl chuan an party zawm thar mi engemawzat a lawmlut a ni.