Chief Minister, Pu Lal Thanhawla, MPCC President ni bawkin kumin kum tawp lama Mizoram Assembly inthlanna neih turah an party chu chung lamin a term thumna thlenga sorkar leh turin a buatsaih niin a sawi a, anmahni party chhungkua atanga buaina an tawk a nih loh chuan an sorkar lehna tur daltu tur a awm lo niin a sawi.

Aizawl East II Congress Block Conference nimin chawhnua Dawrpui Multipurpose Center-a neihah thusawiin MPCC President chuan Mizoram hmasawnna tura ram rotling siam lian deuh deuh, Bairabi rel station, Lengpui airport, Tuirial Hydel Project leh hun reilote hnua Zoram chhim lama Zoram kawtchhuah la ni tur, Multi Modal Transit Transport Project kawngte chu an kut chhuak vek niin a sawi a ni. He inkhawmah hian Aizawl East II Bialtu MLA, Pu Lalsawta, Pu John Rotluangliana leh Pu Zodintluanga te pawhin thu an sawi a ni. Aizawl East II Congress Block Conference hian Pu Lal Thanhawla kaihhruaina an rintawk thu leh anmahni bialtu MLA Pu Lalsawta hnathawh dan \ha an tih thu leh an bial a\anga MLA nih tir leh an tum thu Resolution pass-in an tarlang a ni.