Chief Minister Pu Lal Thanhawla’n Mizo thalai lehkhathiamte chu NEDP belchianga zirchiang turin a chah.

0
568
views

 

NEDP hnuaia hmalakna hlawm lian zual \henkhat pualin vawiin khan Vanapa Hall-ah inkhawm buatsaih a ni a, My NEDP, My Project (Mipui Mamawh Intawm Ruahmanna) hnuaia District tina pakhatna \heuh te leh BPL awm lohna khuate lawmman hlan an ni a, 3rd Mizoram Rahbi (Micro Start-Up Capital Competition) hawn nghal a ni bawk. He inkhawma thusawitu Chief Minister Pu Lal Thanhawla chuan NEDP chu Mizorama hmasawnna tura ruahmanna neih tawh zinga huapzau ber a ni a ti a, Mizo thalai lehkhathiamte chu NEDP hi belchiang a zirchiang tura chahin abikin Mizoram Rahbi (Micro Start Up) ruahmanna hnuaiah \halaite hmakhua sut enna tur ruahmanna a tam a ni a ti a, \halai lehkhathiam mahni ke a din tum te tan kawng a inhawng a ni a ti.

Planning Minister Pu Lalsawta pawhin thu sawiin NEDP in Mizoram tan kawng thar a hawnsak dawn a, thalai lehkhathiam ten an thiamna leh an tuina kawnga eizawnna tlo an neih theih nana kawng kawhhmuh chu a tum lian ber a ni a ti.