Chief Minister, Pu Lal Thanhawla’n Nationalism chu ka-ah ni lovin thinlungah zawk a awm niin a sawi.

0
356
views

Vawiina Congress Bhavan-a an party chhung inkhawmah thusawiin Pu Lal Thanhawla chuan MNF-te chu Mizo Nationalism sawi ve ngam tur an ni lo niin a sawi a, MNF-te hian India nen inremna an siam khan sut leh rual lohin India hnam leh sakhuate zawm tura an inpek thu an ziak a, khatih laia Central lama Congress hruaitu, Arjun Singh-a hnenah Mizo Nationalism hi an hralh daih tawh tih sawiin Pu Lal Thanhawla chuan, remna leh muanna chu Lal Isua Programme a ni a, miten Delhi vai khuang ben ruala lam titen hmusit takin an party hruaitute chu sawi \hin mah se, mahni sorkar namthlua lal\hutthleng kiantu an ni tih sawiin, khawvel hmun dangah mahni sorkar namthlua midang hnena lal\hutthleng kian hi an la awm ve ngai lo niin a sawi a. Central lama an hotuten hel hotupa hnena sorkar hlan an rem ti lo chung Mizoramah remna leh muanna a awm theih nan an intiam tawh angin lal\hutthleng an kian ta niin a sawi. He inkhawm hi MPCC General Secretary, Pu Benjamin Thansanga’n a kaihruai a, tun hnaia MLPC Act zirchiangtuten an zirchianna report sorkar-a an thehluh chungchang MPCC Secretary, Pu VF Lalzarliana’n a sawifiah a, Agriculture Minister, Pu KS Thanga pawhin thu a sawi bawk.