Chief Minister Pu Lal Thanhawla’n vawiin khan Mizoram State Rural Livelihoods Mission (MSRLM) hnuaia scheme pakhat Aajeevika Grameen Express Yojana (AGEY) hmalakna-in Tlangnuam BDO Pisa, New Secretariat Complex-ah Self Help Group thawk \ha thlanchhuahte hman tur motor 30 a vailiam.

0
337
views

 

He programme-ah hian Deputy Speaker, Pu R. Lalrinawma, MIFCO Chairman Pu PC Zoram Sangliana, ZIDCO Chairman, Pu Lalrobiaka, Tuirial Bialtu MLA Pu Hmingdailova Khiangte leh AMC Councillor Pi M. Zohmingthangi te an tel a ni.

Chief Minister chuan Mizorama Self Help Group te chu khawtlang leh chhungkaw tan an \angkaiin, a bik takin hmeichhiate tan an intundinna kawng \ha tak a nih thu a sawi a, an thawh \hat avanga Self Help Group 30 ten lirthei an dawng chu a lawmpui thu a sawi a, SHG-te chu mimal leh khawtlang tan bakah ram leh hnam tana thawktu an ni tih hre renga an thil dawn pawh \angkai taka hmang turin a fuih a ni. Chief Minister chuan sorkar hnathawkte pawh rinawm taka hnathawk turin a fuih a ni. He inkhawm hi Rural Development Secy, Pu Lalhmingthanga’n a kaihruai a ni.

Motor vailiam takte hi RD block 7 – Siaha, Zawlnuam, West Phaileng, Ngopa, Thingdawl, East Lungdar leh Sangau a\anga Self Help Group thawk \ha thlan chhuah 30 te hnenah pek a ni. Rural Development Block pakhat tan motor 4 zel ruahman a ni a, West Phaileng, Zawlnuam Block te hi Aspirational District huamchhunga awm an nih avangin Motor 5 ve ve ruahman sak an ni.