Chief Minister Pu Zoramthanga hova vawiina Council of Ministers thukhawmin Covid- 19 hrileng do zelna-a hman tur dan thar, ‘Containment and Prevention of COVID-19’ tih Ordinance-a hman tur an pawm a, rampum huapa May ni 17 thlenga mipui kharkhip chhunzawm dan tur an thlirho bawk.

0
108
views

Council of Ministers thukhawm hian hripui leng karah mipui him tlanna tura sorkar thuchhuakte tha zawka kenkawh a nih theihna turin Health & Family Welfare Minister in dan thar, Ordinance for Containment and Prevention of COVID-19 tih a chhawpchhuah chu thlir hovin an pawm a, he Ordinance hnuaiah hian mipui himna tura hmalak dan tur te, khapna thupek bawhchhetute hrem dan tur te tarlan a ni.

Council of Ministers thukhawm hian sorkar laipuiin mahni state ni lo, hmun danga tangkhangte, anmahni state-a hruai haw-na tura r>l tlantir a phal tak chungchangah Mizoram mi leh sa-te hruai haw an nih theih dan tur kawng dap an rel bawk a ni.

Council of Ministers thutkhawmnaah hian Deputy Chief Minister Pu Tawnluia leh Minister dangte an tel kim a ni.