Lok Sabha member thlanna neih tura MNF Candidate, Pu C. Lalrosanga tan Campaign beihpui thlaka ITI Veng leh Mission Veng Bazara Street Campaig buatsaihah he thu hi sawiin, Pu Robert Romawia Royte chuan, MNF kaihhruai Mizoram chu mipui aiawha ding tura thlan a nih angin chak zawka mipuiten hma an sawn theih nan hma an la zel dawn tih a sawi a, MNF MP Candidate, Pu C.Lalrosanga chu midik leh Pathian \ih mi, Mizoram Sorkar thlawp theitu tur anih avangin vote vek turin mipuite chu a ngen a ni. Hmasawnna hnathawh chu sorkar ngaihpawimawh a nih angin State sorkar falgship programme SEDP atan Budget-ah Rs. nuai 45,000 dah nghal a ni a, hei bakah hian mipuiten a thlawna inenkawlna an dawn theihna tur Health Care atan te, zirtirtu thar lakna tur te, Parking siamna leh Mizoram State Games neihna atan pawh sum tam tham tak dah a nih thu a sawi.
Pu Robert Romawia Royte chuan, SEDP chu hleih nei lovin, huapzo taka kalpui a nih dawn avangin Congress leh ZPM party Member-te pawh phur taka MNF Candidate, Pu C Lalrosanga vote vek turin a sawm a.
CAB dodalna kawngah pawh Central sorkar be tur leh State dangte thurualpui tura Party danga President te an che chhuak ve duh miah lo chu a dem th sawiin, Chief Minister, Pu Zoramthanga chauh chu CAB dodal kawnga Central hruaitute bia a ni tih a sawi.
