Chief Minister Pu Zoramthanga kaihhruaia vawiina Cabinet meeting in zing dar 9 a School \an turin thutlukna a siam.

0
251
views

Cabinet thutlukna siam ang hian sorkar sikul zawng zawng, zing dar 8-a school \an \hin chuan Academic Session thar a\angin zing dar 9 ah an \an tawh ang a, Private School he mi hun hmang theilo te chuan School Education Director phalna lain an school \an hun an ti danglam thei ang.

Labour, Employment, Skill Development and Entrepreneurship Development Department in MR hnathawktute hlawhbi hniam thei ber ennawn a rawtna chu ngaihtuahin an hlawhbi thar, nikum October ni 1 a\anga hman \an tur ruahman a nia, chumi ang chuan unskill-in ni khatah Rs 380/- Semi Skill in Rs 420/- Skill-II in Rs 520/- leh Skill-I in nikhatah Rs 640/- a hlawh tawh dawn a ni. He dan thar hmang tur hian sorkar hriattirna chhuah phawt a ni ang.

Rilru lama harsatna neite tan Rehabilitaion Home din rawtna, Social Welfare Depatment a\anga lut chu ngaihtuahin pawm a nia, he Home a dah turte chu damdawiina enkawl dam tawh, damdawiina enkawl zui ngai tawh lote, chenna in nei lo leh an chhungten an bula khawsa tura an pawm theih tawh lohte an ni dawn a ni.

Social Welfare Depatment a\ang bawka lut, Thingsulthlaiaha PISGAH Reformatory Centre siam \hat rawtna pawh Cabinet meeting hian a pawm bawk a ni. Thil dang ngaihtuahte chu Sports and Youth Services Department a\anga lut, Lungleia Army National Cadet Corps Mixed Battalion din rawtna te, Mizoram Police Service Rules leh AH & Vety Department siam\hat rawtnate, Home Department in Essential Services Amendment Bill-2019 a duan Cabinet pawmpui tura chhawp chhuahte a ni.

Cabinet Meeting hian Sorkar laipuiin Citizenship Amendment Bill-2016 pass a tum duhoh lantirna thuchhuah an siam bawk a. An thuchhuahah chuan he bill pass tum hi Cabinet meeting hmasaah pawh an duh loh thu an lo tarlan tawh thu an tarlang a, Chief Minister Pu Zoramthanga’n tunhnai New Delhi-a Prime Minister Pu Narendra Modi leh Home Minister Pu Jajnath Singh-te a hmuh \umin, \ha lo a tih thu leh pass lo tura an duh thu na takin a lo hrilh tawh niin an sawi a, Hmarchhak biala Political Party-te meetingah pawh sulsutua \angin nasa takin a lo bei tawh nia tarlan a ni.