Chief Minister Pu Zoramthanga, MNF President in mi \henkhat Congress ni lo, MNF ni lo titu te chu an dinhmun a tlahniam chak hle niin a sawi.

0
375
views

He thu hi vawiina an party office Hnam Run inkhawm ah a sawi a, Pu Zoramthanga chuan, mi\henkhat-in tihfuh tumin kawrhak an thlak zing em em a, an party kalpui a zuihral ngun hle a ni a ti a, an nihna leh an zawm an thlak zin avangin mipui pawhin zawm tum \hin mahse an lo inthlaksan leh hman \hin a, Congress ni lo, MNF ni lo tituten Kohhran kawr theihtawpa hain mipui an bum \euh a, MLA pawh an nei nual a, an nihna a rawn lanchhuah \an hnuah an dinhmunin tlakhniam lam a pan zel a, MNF party in malsawmna a dawn phah zel thung a ni a ti.

Pu Zoramthanga hian inthlanna muanawm leh felfai a awm theihna tura \an latu zawng zawngte fakawm a tih thu a sawi a, an party chu hnam thuthlung kengtu nia sawiin, he thuthlung hi thisena tih ngheh a nih avangin MNF party din hnuah party tam tak zuihral tawh mahse, MNF Party chu a ding nghet zel a ni a ti.

Inkhawm hi an party General Secretary Pu C Tawnvela’n a kaihruai a ni.