Mizoram Sawrkar hnuaia Department hrang hranga thawk engineer te intelkhawmna, Mizoram Engineering Service Association(MESA) General Conference vawi 39-na Aizawla neih hmanpuiin he thu hi a sawi a, PWD changtu nibawk, Chief Minister hian Mizoram sorkarin mizo contractor leh supplier te hna lian thawk thei tura tih chak a duh a, hna lian an khawih theih nan ngaituahna sen a \ul a, Works Department pawhin hei hi an rilruah lo nei se a duh tih a sawi. Hnathawh enkawl zuina kawngah engineer rual te chu an khawl neihte enkawl kawngah \an la thar a, hman tlak lova a awm loh nan, a siam\hat leh a enkawl zui te ngai pawimawh turin a hrilh a ni.
Engineering Service mi leh sa Secretary hna chelh ten Technical Department lian zual, hun rei tak an enkawl tawh loh thu an sawi lan chu chhangin, Chief Minister hian Secretary te hna chanpual siksawi hunah Technical Department lian pakhat tal chu sorkarin a chan tir dawn tih a sawi. Department hrang hranga post hnawhkhah loh awm chungchangah vawi leh khata hnawhkhah theih vek ni lo mahse mamawh phuhru tur, a chanve tal sorkarin hnawhkhah dan a ngaihtuah dawn a ni a ti a, hlawkpui zawk leh awmze nei zawka hna thawh a nih theih nan midang kuta hna hlan chhawn ‘outsourcing’ te pawh hna \henkhatah chuan ngaihtuah a \ul dawn tih a sawi bawk.
An pawl President, Pu Bowmana kaihhruaia General conference ah hian kum 2019-2021 chhunga MESA hruaitu turte an thlang nghal a, MESA ah hian member 400 chuang an awm mek a ni.
