Chief Minister, Pu Zoramthanga’n Congress kaihhruai Sorkar Flagship Programme, NLUP chu a thawna pawisa semna ringawt a nih avangin \ha an tih loh thu leh chhunzawm an tum loh thu House a hrilh.

0
290
views

He thu hi NLUP chungchanga ZPM member, Pu Vanlalhlana zawhna leh zawhbelhna dangte Agriculture Mimnister, Pu C. Lalrinsanga’n a chhanna a sawifiahnaa sawiin, Pu Zoramthanga chuan, NLUP hnuaia \anpuina dawngtu chu chhungkaw engemaw zat an awm laiin la dawng ve lo pawh \hahnem tak an awm tih a sawi a. NLUP kalpui dan chu pawisa sem ringawt a nih avangin a kalphung chu \ha an ti loh avangin a dawngtu chu dawng tawh lo ni se, a bak pek chhunzawm tum a ni lo tih a sawi. Pu Zoramthanga chuan, MNF sorkar-in mipui intodelhna tura a duan, Socio Economic Development Programme (SEDP) hmanga hmalak a nih tur thu leh he Programme hnuaiah hian Project nen kalkawpa hmalak a nih tur thu a sawi a. Hetih rual hian, NLUP dawng tura thlan tawh leh an Account-a sum lut tawhte ch chuhsak an ni dawn lova, an dawn tur ang sum chu pek vek an ni dawn tih a sawi a ni.

Agriculture Mimnister, Pu C. Lalrinsanga’n House a hrilh danin, tunah hian NLUP dawng tura thlawn tawh vawiin thlenga pawisa la dawng lo zat chu chhungkaw 2,794 an ni a, tunah hian NLUP tihtawpna tur, Exit Protocol buaipui mek niin, a tihzui dan tur chu sorkar-in a ngaihtuah dawn a ni.