Chief Minister Pu Zoramthanga’n Hnahthial District-a sorkar office hrang hrang awmna tur hmunhma vawiin khan a enfel.

0
103
views

District pathum siam thar zing ami, Hnahthial District Headquarters-a DC office leh sorkar office dangte awmna tur hmun te Chief Minister hian a tlawh kual a, Health Minister Dr. R. Lalthangliana, Hnahthial Bialtu bakah Lunglei High Powered Committee Vice Chairman Pu Lawmawma Tochhawng leh Sports and Tourism Board Vice Chairman Pu T.C. Pachhunga ten an \awiawm a ni.

Pu Zoramthanga hian a kaihhruai sorkar hmalakna \hekhat sawiin, kawng siam hna thawh mek a nih thu te, zirtirtu \hahnem tak lak an nih thu te, chhungtinin damloh nikhuaa inenkawlna kum khata cheng nuai hnih thleng sorkarin a tum sakna tur health care scheme siam a nih thu te leh Mizoram sawrkar flagship programme SEDP-ah board hrang hrang din fel a nih thu te a sawi a. Ei leh bara intodelhna tur leh chhungkaw tin sum lakluh a lo pun theih nan SEDP kaltlanga hmalak a ni dawn tih a sawi.

Health Minister Dr. R. Lalthangliana pawhin district thar atan District Master Plan duan a nih tawh thu sawiin hmasawnna tam tak a awm chho zel dawn, a ti a. Inkalpawhna kawng \ha zawk buatsaih tura hmalak mek a nih thu te, JNV school leh Ayush Hospital neih theih beisei a nih thu te, district thar pathumah hospital changtlung tak, thawktu tam zawk leh khawl \ha te dah tura ruahman a nih thu a sawi.

Chief Minister leh a \huihhruaite hi Hnahthial bawrhsap Pu Vanlalmawia’n a lo dawngsawng a ni.