Chief Minister chuan kum tam tak atang tawha Mizoram in JICA puihna a lo dawn tawh thin avangin lawmthu a hrilh a. Buh-a intodelh tura hmalak chu \ul a tih thu leh a kaihhruai sorkar ngaihpawimawh anih thu a sawi. Mizorama mau hmanga sumdawnna tih changtlun dan tur pawh an sawidun a ni. JICA Senior Advisor Dr. Nagayo Narihide leh a thawhpuite hian Mizoram leh JICA tangkawpin Mizoram RD block pali a project an kalpui mek chungchang leh chumi endik tura lo kal an nih thu an sawi a. Kum 2013-14 chhung khan JICA hian Agriculture leh Horticulture lama Mizoram a intodelh theih dan tur an zirchian hnuah chumi chu a taka tihpuitlin theih a ni em tih enchhinin pilot project an kalpui mek a ni.
