Aizawl East I huamchhunga Tuirial Airfield MNF unit in an bial a\anga thlantlin anih lawmna inkhawm nimina an buatsaihah thu sawiin, Chief Minister chuan, campaign laia thlantlin an nih chuan hna an \an nghal tur thu an lo sawi lawk tawh chu a taka tipuitling nghalin, an bung nghal char char niin a sawi a, zu pawh a theihna zawnah khuahkhirh nghal a ni a, Buichali leh Kawnpui inkar national highway kawng chhe lai siam \hat dan tur pawh a en nghal thu te, Aizawl khawpui Traffic jam tih ziaawmna tur kawng chhawng siam dan tur pawh mithiam te nen an ennghal thu a sawi.
Amah \awiawmtu Rural Development Minister Pu Lalruatkima pawhin thusawiin Aizawl East I, Chief Minister bial an ni chu vannei a tih thu a sawi a, MNF sorkar chu ram hmasawnna thlen tur leh zoram siam \ha turin a tir atangin an \ang nghal phat niin a sawi a, Sorkar hmalakna te \awiawm turin mipui te a sawm bawk.
Champhai North bialtu MLA Dr. ZR Thiamsanga leh Block hruaitute pawh lawmna inkhawmah hian an tel a ni.
