Chief Minister Pu Zoramthanga’n sorkar hmasa kihhnawk a thlum em avangin ramin a rui niin a sawi.

0
623
views

He thu hi vawiina Tuikum Block MNF-in Thentlang khelmuala sorkar thar an lawmnaah sawiin Pu Zoramthanga chuan, sorkarin Dry Day a puan chungchangah an tih theih bak thil a thlen avangin zu zawrh a ngai leh ta chu pawi a tih thu a sawi a, Kohhran leh mipuiten hrethiam tura a duhthu sawiin zu khapna dan chu March ni 31-ah chuan tihfel a ni tawh dawn niin a sawi. Pu Zoramthanga chuan, mipui hriselna leh zirna chu Sorkar tharin a ngaihpawimawh tur zinga mi niin a sawi a, thuneihna an chan hmasaka School \henkhat an Upgrade Sorkar hmasain MNF kihhnawk tia sawi a, ke khata a din tir \awk \awk te chu ke hnihin nghet takin an dintir dawn niin a sawi a, zirtirtu indaihlohna phuhruk nan zirtirtu lak thar a nih tur thu te, thawktu dang lakbelh a ni dawn bakah Lump School sum pawh tihpun tum a nih thu sawiin zirna lam nasa taka tihhmasawn an tum bakah mipui hriselna lam pawh an ngaipawimawh hle dawn a ni a ti. Pu Zoramthanga chuan, MNF party chu kum 50 chuang Mizoramah nghet takin a ding tih a sawi a, hemi avang hian Hmarchhak State chauh ni lo, Central lam pawhin an zah hle tih sawiin MNF movement chu mi tam tak martar-na a nih avang te, Mizo mipuite tawrhna leh Pathian venna avangtein khawvelin a zah a ni a ti. Pu Zoramthanga chuan, Sorkar thar chu neitu thinlungputute din a nih avangin mikhual sorkar lakah chuan an danglam hle dawn niin a sawi bawk.

Education Minister, Pu Lalchhandama Ralte pawhin thusawiin Mizoram a zirna dinhmun chu damdawi ina na tak tuara awm nen tehkhinin \ha taka enkawl thuai a nih loh chuan chhe vek thei dinhmunah a awm niin a sawi a, zirtirtu post ruak 2,000 chuang leh thawktu dang hmunruak tam tak a awm tih sawiin school building leh hmanraw dang a chhe em em bawk tih sawiin sorkar hmasa chu dem loh hram duh mahse an hmalakna en in eng nge an lo tih tih erawh a awl hle a ni a ti. Pu Lalchhandama Ralte chuan, sorkar policy leh Programme hnuaia hmalakna lokal turte a nihna ang taka hmang turin mipuite chu an rilru lo buatsaih turin a chah bawk.

Assembly Dy Speaker, Pu Lalrinawma pawhin thusawiin sorkar thar chu kohhrante \awng\ai chhuah a nih avangin an party mipuite pawhin an tih tur leh tih loh tur te hrethiam tur leh sorkar hmalaknaah theihtawpa thawhpui zel turin a chah a ni.

Chief Minister Pu Zoramthanga leh amah \awiawmtute hi Tuikum bial mipuiten an lo lawm a, pangpar\hi leh thilpek chi hrang hrang an hlan a ni.

Inkhawm hi Tuikum Block MNF President, Pu T. Sangzuala’n a kaihruai a ni.