Chief Minister Pu Zoramthanga’n Sorkar hnathawk ten an rilru put hmang an thlak chuan Mizoram chu malsawmna ramah an chantir thei tih sawi.

0
383
views

Vawiina Civil Services Day Vanapa Hall-a hmanna-ah thu sawiin Pu Zoramthanga chuan, Civil Service te chu Sorkar ruangama a ruhrel pui ber an ni a, an \hahnemngaihna leh theihna te chu kawng tinrenga Mizoramin hma a sawn theihna tura an hman a \ul tih a sawi a, Sorkar hnathawkte chu a bultumtu leh nawrchhuaktu leh endik tu a nih thu a sawi.

Chief Minister hian Civil Service te chu an mahniah enge theihna awm tih inhriat tum tur leh ataka hmang chhuak turin a chah a, Mizoram chu leilung duhthusam, ruah tui tlak dan leh sik leh sa duhtusam a ni a, malsawmna haichhuak turin Sorkar hnathawk ten an theihna an hman a ngai a ni a ti a, Sorkar laipuiin hmarchhak state te tana sum tam tak Budget-a a dah hai chhuah a ni mang lo nia sawiin pawi a tih thu a sawi a, Mizoram budget chu Sorkar laipuia sum haichhuahna tur a ni tih hriat a ngai a ni a ti.

Chief Secretary Pu Lalnunmawia Chuaungo pawhin thusawiin budget a\anga zaa 50 vel chu sorkar hnathawk hlawh, inrelbawlna leh pension hlawhah te hman a nih thu a sawi a, hlawh ennawn anih hnuah phei chuan budget pumpui a\anga zaa 60 vel zet sorkar hnathawkte tan hman a ni a, heti chung hian hmathar lak dawnin sorkar hnathawk indaih lohna a ri reng tho a, hei hi a dikna chen awm mahse, sorkar hnathawkten an tih tur an tih loh leh an tih loh tur an tih tilang chiangtu a ni a ti.

He Civil Services day ah hian Chief Minister Award for Excellence in Public Administration sem a ni a, Organisation Category-ah Planning & Programme Impementation Deptt. chu lawmman pakhatna dawngtu a ni a, MIRSAC in pahnihna an hauh a, Team, Category-ah Kolasib DC office leh UD&PA ten lawmman an dawng bawk.