Tun dinhmunah India mi conoravirus vei hmuhchhuah an la awm lo tih Union Health Ministry-in a puang a, hetiang natna vei nia inringhlel erawh state hrang hrangah an awm tih sawiin, Kerala leh Maharashtra-a chuan damlo mi 100 chuangte chu rinhlelh thil thuah dah hran rih an ni a ti bawk.
Beijing-a India palai chuan India mi, Wuhan leh Hubei province-a university zirlaite nen an inbiak pawh reng thu a sawi a, coronavirus natna kai erawh an la awm rih lo niin a sawi.
Hetihlai hian khualzin miten an tlawh nasat Goa-ah sorkarin he natna laka venhimna kalpuitu special task force din a tum a, Tibet rama sakhaw hruaitu Dalai Lama chenna chu natna inkaichhawn theih laka a him nan khar lailawk a ni bawk.
