China-ah hian hri kai thar mi 10 an awm a, chung zingah chuan ram pawn lam mi pawh an tel a ni.
Coronavirus lan chhuahna hmun China-ah hian coronavirus kai zawng zawng chu mi 83,876 an ni a, chung zinga mi 77,911 te chu an dam tawh a, mi 4,636-in an thihpui a, mi 1,329 enkawl mek an la awm a ni.
Restaurant leh cafe te hawn a ni leh tawh a, sa pangngai ni lo, thlai a\anga siam eitur an siam uar hle a, Starbuck cafe kaltlangin Beyond Meat chuan thlai thar a\anga siam, sa anga sawngbawl eitur an hralh nasa hle a ni. KFC chuan karleh a\ang khian thlai a\ang thova siam arsa anga sawngbawl eitur siam a tum tih a sawi.
China-a coronavirus kai enkawl dam tawh te chuan hriselna lam an ngaipawimawh thar hle a, sa pangngai aiin thlai a\anga sa anga siam eiturte tun dinhmunah hralh a kal rih zawk a ni. Kum 2018-a vawk pul hri, swine fever China-a a len a\anga khan tun thlengin China hi vawksaah a intodelh thei rih lo a ni.
