China company Huawei sumvawngtu lu ber Meng Wanzhou-i Canada-a man a nih hnuah, vawiin thleng hian China-in Canada mi 13 a man tawh a, 8 chu chhuah an ni leh tawh a ni.

Puan tawh angin China-in a man zingah hian Canada sorkar hnathawk hlui, Michael Kovrig leh Michael Spavor-te pawh an tel a, an pahnih hian China venhimna ti derthawnga puh an ni. Heng mite hi Wanzhou hren a nih vanga man an ni a, Wanzhou hi US-in Iran a hrekna bawhchhia-ah puh a nih vangin hren a ni a, US chuan an rama lak luh a tum mek a, China hian a sawisel nasa hle a ni.