China Foreign Ministry-in OBOR chungchanga US Defence Secretary thusawi chhang let

0
798
views

China leh Pakistan ramten insumdawn tawn awlsam zawkna atana beihpui an thlak mek, One Belt One Road chungchanga US Defense Secretary, Jim Mattis-a thusawi chu China Foreign Ministry-in a chhang let a, US thusawi vang hian an thil tum an tihdanglam loh tur thu leh Kashmir chungchang buaina chu India leh Pakistan ram pahnih chin fel tur a nih thu a sawi b^kah Pakistan ram nena insumdawn tawnna an neih mek chu India palzut tumna a nih loh thu a sawi bawk. Puan tawh angin, OBOR hnuaiah hian Pakistan awp Kashmir kal tlangin China ramin rel kawng a sial bakah, lamlian leh pipe leh fibre pawh a zam tel a, Pakistan-a Gwadar lawng chawlhhmun leh Xinjiang inkalpawh theiha siam a, Middle East a\anga awlsam zawka tuialhthei leh thil dangte lak chu an tum ber a ni a, India erawh chuan ram inchuh lai kal tlanga rel kawng sial a nih avang hian China lakah hian a lungawi loh thu a lo sawi fo tawh \hin a, Jim Mattis pawh hian China chu a inluling mah mah nia a hriat thu leh ram dang laka thuneih tumna rawng kai nia a hriat thu, tun kar khan a sawi a ni.