US hrekna avangin China hi tunhnaiah a lungni lo hle a, China hi South China Sea leh Taiwan ah a insawh ngheh nasat avangin US hian China sipaite hi a hrek bakah sumdawnna lamah pawh China nen hian an inbei nasa hle a ni.
China in a ram chin humhim a tum thu leh inchi khat pawh hloh a tum loh thu hi China Defence Minister Wei Fenghe chuan Xiangshan Forum, Beijing-a neihah a sawi a, sipai lam kaihhnawiha China leh US inzawmna chu fimkhur taka ngaihtuah ngai a ni tih sawiin, China chuan Taiwan dinhmun a ngai pawimawh a, ramdangmi an inrawlh a remti dawn lo a ni a ti.
Taiwan President Tsai Ing-wen an kum 2016-a rorelna a chan hnuah Taiwan leh China inlaichinna hi a \ha lo chho viau a, tunhma lamin China hian Taiwan thunun tumin sipai chakna la hmang lo mahse, Taiwan in US lam a awn zel chuan China hi a ti lungawi lo a ni.
