China Foreign Ministry thupuangtu Lu Kang chuan Canada ram palai hlui Michael Kovrig leh sumdawng Michael Spavor te chu thu zawh fiah mek an ni tih a sawi a, an pahnih hian Beijing bureau of state security ten an hreng mek tih a sawi bawk a ni. Spavor hi China rama sumdawng company-in an chhawr lai a ni a, North Korea sorkar nen an indawr \hin nia hriat a ni.
Puan tawh angin tunhnai lawk khan China company lian ber te zing ami Huawei Technologies sum khawihtu ber, Meng Wanzhou chu Canada-ah man a ni a, Iran hrekna bawhchhiat chungchang thubuaiah US-a thawn tum a nih thu sawi a awm avangin China a lungawi lo hle a ni.
