China leh Japan in kawng hrang hrangah inpawh tawn zawka hmalak dun an remti a, inremna huamzau tak ziakin chung zingah chuan dollar tluklehdingawn 30 hu pawisa hlutna in sawhngheh tawn sakna tur, currency swap pact pawh a tel.

0
437
views

 

US leh China inkara insumdawntawnna lamah inrem lohna nasa tak a awm mek laiin, China leh Japan te hian he inremna hi an siam a, Japan Prime Minister Shinzo Abe chuan ni thum chhung Beijing tlawhin kawng hrang hranga ram pahnihte inlaichinna sawh ngheh dan tur China sorkar a sawipui a, China leh Japan te hi kum 1972 a\ang khan lo inpalai tawn tawh mahse, an inkar boruak erawh derthawng tak a ni chho deuh reng a ni.

Japan rama company lian Toyota ang chi te chuan Europe rama an elpuite umphak thei turin China nena inlaichinna mumal tak neih hi an duh a, China president Xi Jinping pawhin ram dangte nena inpawhtawnna \ha zawk a awm theihna turin inkalpawhna lamah nasa takin hma a la mek bawk.