Ram hruaitu pahnihte hi nikum April thla khan China Wuhan-ah an lo inkawm tawh a, khami \um khan PM Modi hian President Xi hi India tlawh turin a sawm a ni. Chennai Airport ah President Xi hi ropui taka lo hmuah a ni a, Tamil Nadu-a temple hmingthang tak Mahabalipuram chu ram hruaitu pahnihte hian an tlawh dun ang a, ram pahnih aiawhte inbiakna pawh neih nghal a ni ang.
Xi Jinping hian ni hnih kalta maiah khan Pakistan Prime Minister Imran Khan kawmin hetah hian China chuan Jammu & Kashmir-a thil awmdan a thlithlai reng a ni tih a sawi a, hei hi India chuan sawiselin, Jammu and Kashmir chu India ram chhung thil a ni tih a sawi nghal a, China hian a thusawi siam\ha lehin China Foreign Ministry chuan Jammu and Kashmir chungchanga India dinna chu China-in a hriatthiampui a, India ram chhung thilah ramdangten ngaihdan an lo sawi ve a \ul lo a ni tih a sawi nawn leh a ni.
Thla kalta khan China hian UN General Assembly ah Jammu and Kashmir inhungbikna Art 370 \hiah a ni leh Union territory pahniha \hen a ni chu a lo sawisel tawh bawk a ni.
President Xi leh Prime Minister Modi te hi naktuk zingkarah an inkawm dawn a, an pahnih chauha inkawmna hun tur darkar 6 hun awl an nei dawn a, thu chhuah hrang ve ve an siam rin a ni. Ram hruaitu pahnihte inbiakna hi mimal taka inpawh tawnna \ha an neih theihna tura duan a ni tih sorkar lam chuan an sawi a, firfiaka chetna leh mifirfiakte sum leh paia \anpuina tihtawp dan tur chungchang chu an sawidun tur zinga a langsar ber a ni a, insumdawntawnna, ram venhimna leh ramri chungchang pawh an sawidun rin a ni.
President Xi Jinping hian vawiin chawhnu dar 2 rik hma hret khan Air China Boeing 747 in Chennai \umhmun a thleng a, amah dawngsawng tur hian Prime Minister Modi chuan chawhma dar 11.30 ah a thleng thung a ni. Prime Minister Modi hian hmanlai hmun hlui Arjuna’s Penance, Panch Rathas leh Shore temple te President Xi Jinping hi a fanpui dawn a ni.
