China Presidetn Xi Jinping-a’n North Korea tlawhin Kim Jong-un nen an inkawm a, hei hi kum 2005 hnua China hotulu in North Korea a tlawh lehna hmasa ber a ni.

0
439
views

Ram hruaitu pahnihte hi China-ah \um 4 an lo inkawm tawh a, tun \umah hian North Korea Nuclear programme chungchang leh insumdawntawnna chungchang an sawidun rin a ni. China hi North Korea sumdawnpui ber a nih avangin North Korea tan a pawimawh hle a, kar leh lawkah Japan-ah G-20 summit neih a nih dawn avang leh hetah hian Xi hian US President Donald Trump a kawm dawn bawk avangin, tuna Kim Jong-un nena an inbiakna hian ngaihven a hlawh zual a ni.

Xi Jinping hian kum 2012-a President anih hnuah tun hi North Korea a tlawh \um khatna a ni a, kum engemawzat kalta a\angin ram dang nena an inlaichinna a fuh hleih theih tawh loh avangin North Korea tan chuan Xi Jinping-a’n a tlawh hi thil lawmawm taka ngaih a ni. Xi Jinping hian Kim-a leh Trump-a te nuclear ralthuam chungchanga an inbiakna hlawh chham ta chungchangah hmasawnna thar a awm thei em tih chu Kim-a hi a sawipui rin a ni. Hetihrual hian China hian sumdawnna lama North Korea nena an inzawmna sawhngheh a duh bawk a, Communist ram pahnihte hi kum tam tak chhung in \hian \ha tak lo ni tawh \hin mahse North Korea in Nuclear ralthuam tih changtlun hna a thawh chu China hian \ha a tih loh avangin an inkar boruak hi tunhnaiah a \ha lo chho deuh ta a ni.