Inremna ang hian Huawei hian kum engemawzat chhung Russia ah hian 5g network a ti changtlung dawn a, China President Xi Jinping-a’n ni thum chama Russia a tlawhnaah he inremna hi siam a ni a, hetihlai hian US chuan ram himna atan a hlauhawm thei nia sawiin Huawei thil siam hman hi a lo khap tawh a ni.
Huawei hi China leh US te sumdawnna kawnga an inbeih tawnnaah a langsar ber pakhat a ni a, US hian a thawhpui ram te pawh Huawei thil siam te hmang lo turin a dawr kual a, 5g network hmanrua an siamte hi ram thuruk hriat ruknan a hman theih nia sawiin, a him lo tih US hian a sawi a, hei hi Huawei hian thu dik lo a ni tih sawi mahse, Australia, leh New Zealand te pawhin an company thil siam te hi hman an khap tawh a ni. US in a khap hian nghawng lian tak a nei dawn a, khawvela smartphone siamtu lian ber dawttu Huawei hian an chips hman chanve vel US supplier te hnen a\anga an lak a ni a, hetihrual hian US company te pawhin anmahni dawrtu lian tak an chan dawn tihna a ni ve bawk.
