Chirstchurch-a Mosque pakhat misual pakhatin luh chilha a chhunga awm te silaia a pawng kah chiam avangin New Zealand in silai tih tlem tumin hma a la chho zel a, hmalakna pakhat zingah mipuite hnen a\angin sorkarin an silai kawlte a lei let sak mek.

0
89
views

New Zealand hian mi tam tak tih hlum theihna, semi-automatic silai ang chi te hman leh kawl khapna dan a siam a, hetiang silai lo kawl mek te leilet sakna turin an ram sorkar hian dollar maktaduai 208 a dah hrang a ni. Hetiang silai hlauhawm khapna Dan thar hi Mosque beih a hnih hnu lawk April thla khan parliament chuan a pass a ni. March thla-a silaia mosqe beitu khan mi 51 a kaphlum a, Mosque a luh chil hun hi Zirtawpni, Mosque-a \awng\ai inkhawm neih lai a ni.

Tuna sorkar ruahmanna thar hnuaiah hian Dan in a khap silai lo kawltute chuan thla 6 chhung, December ni 20 thlengin an silaite sorkar kutah an hralh let thei dawn a, Minister of Police, Stuart Nash chuan he ruahmanna hi silai hlauhawm chi khawlaia leng vel tur danna tur a ni a ti a, police te chuan heng silai te kim taka khawm thei turin ruahmanna \ha tak an siam tawh a, July thla laihawl vel a\anga beihpui thlak \an tum a ni a ti. Sorkar hian silai man pangngai a\anga zaa 95 chu a neitute hnenah hian pe let dawn a ni.