Chite lui humhalh leh tihbawlhhlawh lohna tura hnathawh dan sawiho

0
1223
views

CM, Pu Lal Thanhawla, Minister dangte leh Save Chite Executive Committee Member-ten nimin khan Chite lui humhalh leh tihbawlhhlawh lohna tura hnathawh dan chu Chief Minister Conference Hall-ah an \hu khawm a, CM chuan Aizawl khawpui chhehvelah mipui tan hawi khawthawnna tur hmun remchang leh nuam tichhe zawng leh Pathian thil siam tichhe zawnga thil tih a tam ta tih sawiin, Chite lui bak, hmun dang pawh humhalh ngai a awm ta niin a sawi. An \hutkhawmnaah hian Save Chite lui hnathawh tawh leh hmachhawpte thlirho a ni a, bawlhhlawh leh leivung paih avanga Chite lui tui tihbawlhhlawh te, lui kuang zim ta te a awm tawh loh nan hnathawh dan tur sawiho a ni. Chite lui humhalhna atan hian a bul \anna tur Baseline Survey neih tawh a ni a, University of Minnesota leh Mississippi Water Management Agency leh Mizoram University-te pawhin thil awm dan an enfiah tawh a, NSS volunteer-te pawhin hnatlangin lui leh lui kama bawlhhlawhte an thianfai tawh \hin a ni. He meeting hi Save Chite Lui Coordination Committee Chairman, Pu Lalmalsawma’n a kaihruai a ni.