Save Chite Lui Coordination Committee leh Mizoram State National Service Scheme Volunteer Office chuan vawiin khan Chite lui thenfai hnatlangpui thawh khahna an nei. Hnatlanga thawk chhuakte hian Chite Veng Mini Sports Complex bul a\ang leh Bethlehem Vengthlang Chite kai a\angin Chite lui hi an thian \an a, hnatlangte hi Mizoram University-a NSS Volunteer Unit leh Aizawl khawpui chhung College hrang hrang Pachhunga University College, Govt. Aizawl College, Govt. Hrangbana College, Govt. Zirtiri Residential Science College, Govt. Aizawl North College, Govt. Aizawl West College, Govt. T. Romana College, Govt. Johnson College, Mizoram Hindi Training College leh Mizoram Law College-a NSS Unit-te an ni a, an zavaiin mi 400 chuang zet an ni. Zirna in hrang hranga NSS Unit-te hi anmahni zirtirtu, Programme Officer \heuh ten an hova, Chite veng leh Bethlehem veng a\angin mi tlawmngai \henkhatin hnatlang hi an zawm ve nghal bawk a ni. Hnatlang \an hmain Chite Veng Mini Sports Complex-ah hnatlang hawnna inkhawm neih a ni a, hetah hian Aizawl Municipal Corporation Mayor, Pu PC Lalhmingthanga’n hnatlanga thawh chhuakte chu duhsakna hlanin a thlah liam a, inkhawm hi MUP Gen. Hqrs. President, Pu RK Thanga’n a kaihruai a ni. Bethlehem Vengthlang kaia hnatlang hawnna inkhawm neih chu Central YMA President, Pu Lalbiakzuala’n a kaihruai a, Mizoram Pollution Control Board, Chairman, Pu RC Thanga’n hnatlangte chu duhsakna hlanin a thlah liam a ni. Chite lui thenfai hnatlang thawh hnihna chu kumin November ni 24-ah neih tura ruahman a ni a, hetah hian Aizawl khawpui chhunga Higher Secondary School hrang hranga NSS Unit-te an thawk chhuak ve thung dawn a ni.
