Churachandpur-a All Manipur Working Journalist Union member-te lo zin, Larsap hmu

0
479
views

Mizoram tlawha lo zin, Churachandpur-a All Manipur Working Journalist Union member-ten vawiin khan Larsap, Lt. Gen. Nirbhay Sharma chu a chenna Raj Bhavan-ah an hmu a, Larsap chuan Journalist-te chu ram leh hnam hmasawnna kawngah dinhmun pawimawh tak an chelh tih hrilhin, mipuiin nunphung hrisel zawk an neih theih nan ruihhlo leh zuk leh hmuam do kawngah theihtawp chhuah turin a sawm a ni. Larsap chuan, sorkar inrelbawlna \ha a awm loh chuan ramin hma a sawn thei lova, remna leh muanna awm lohna hmunah phei chuan hmasawnna a \huanawp leh zual tih sawiin, inkalpawhna \ha chu hmarchhak bialte tana hmasawnna bulpui a nih thu a sawi bawk. All Manipur Working Journalist Union member-te chuan Larsap chu Mizoram an rawn tlawh chhan leh an thil hmuh dante an hrilh a, heng mite hi MJA President, Pu Vanlalrema Vantawl-in a \awiawm a ni.

Churachandpur-a All Manipur Working Journalist Union member lo zinte hi mi 7, Zohnahthlak vek an ni a. Mizoram sorkar hnathawhte zir chiang tur leh Zohnahthlakte inunauna \ha zawk siam tura Mizoram Journalist Association nena thawh ho dan kawng ngaihtuah tura lo zin an ni. Heng mite hi Mizoram Journalists Association-in lo mikhualin, vawiin khan Aizawl khawpui chhung hmun hrang hrang an fang kual a, naktuk tlai lamah an haw leh dawn a ni.