Nimin tlai khan Mizoram Police hnuaia CID Special Branch leh Serchhip Police-ten Kei\um-a Custom Check Gate-ah ruihhlo, Heroin hawng 25, gram 650.28-a rit leh a neitu nia hriat an man. Heng ruihhlote hi Bike no. MZ-01K-9687 hmanga Myanmar a\anga rawn phurh thlak a ni a, a phurtu leh neitu nia hriat te chu Vanlalduha, kum 38 leh Rohlupuia, kum 19, Myanmar mi ve ve an ni. Ruihhlo phurtute leh an ruihhlote hi man nghal a, Serchhip Police Station-ah lak an ni a, ND&PS Act 1985 hmangin thubuai rit tak siamsak an ni. A phurtute hian an ruihhlo phurh chu Lunglei lam panpui an tum niin an sawi a, he ruihhlo hi Mizorama an hralhna rate-ah chuan Rs. 2,60,000/- hu vel a ni.
