Cinema Hall-a film chhuah hmaa national anthem tihrik ngei ngeina tur thupek SC-in hlip

0
592
views

Supreme Court-in vawiin khan thup>k thar chhuahin, Cinema hall-a film chhuah hmaa hnam hla, national anthem tihrik ngei ngeina tur thup>k chu a hlip a, kum 2016 November thlaah khan he thup>k hi lo siam tawh mah se, sorkarin a thu a s<t t^k deuh avangin hei hi khauh taka ken kawh a ngai dawn ta rih lo a, sorkarin hemi chungchangah hian thu tawp a la siam dawn niin a sawi. Niminah khan Union Home Ministry chuan court sang ber hi kum 2016 November thlaa thup>k a lo chhuah tawh chu hman chhunzawm rih loh tura dah turin a ngen a, kum 2016 November thlaa thup>k a lo chhuah tawh ang hi chuan, cinema hall tinah, film chhuah a nih hmain hnam hla hi tihrik ziah tur a ni a, hall chhunga awm zawng zawng pawh an ding vek tur a ni tih a ni. Vawiinah khan court sang ber chuan sorkar laipui thu thlen, he thup>k hi hman zel rih loh ni se, sorkarin member 12 awmna committee a din ang a, hei hian hemi chungchang hi a ngaihtuah \ha leh phawt ang, tih chu a pawm a ni. Nikum October thlaah khan Chief Justice Dipak Misra leh Judge dang pahnih – D.Y. Chandrachud leh A.M. Khanwilkar awmna bench chuan hemi chungchangah hian sorkar laipuiin thu tawp a siam ang a, a \ul chuan hriattirna a chhuah ang tih a lo sawi tawh a, Justice Chandrachud-a chuan, hnam hla sak laia ding lote hi ram eptu leh dotu ang hiala ngaih zel tur a nih loh thu a sawi a ni.