Citizenship Amendment Bill Lok Sabha in nimina a pass tak chu vawiinah Rajya Sabha rorel inkhawmah sawiho a ni a, he bill duh lotuten nasa taka an dodal avangin inkhawm tih tawp lailawk a ni.

Rajya Sabha rorel inkhawmah hian Congress member te chuan Citizenship Amendment Bill an duh lohna lantirin thuziak chi hrang hrang nen house chhungah an chhuak khawm a, Congress Party Deputy Leader Anand Sharma chuan he bill duh lohna avang hian hmarchhak bial pumah mipuiin lungawi lohna nasa tak an lantir tih sawiin, Home Minister chu sawifiah turin a phut a, rorel inkhawm a kaltluan theih loh avangin chawhnu dar 2 thleng rorel inkhawm tihtawp zui a ni.