CJI-in SC judge senior pali titipui

0
473
views

Chief Justice of India, Dipak Misra-a’n vawiin khan Supreme Court judge senior zual pali, tun hnaia thuthar lakhawmtute chu minit 15 chhung a titipui a, puan tawh angin, heng Judge te hian Chief Justice hi a hnathawh danah leh, thubuai ngaihtuahtu tur a ruat danah te sawiselin, court sang bera thil awm dan chu a \ha an tih loh thu an puang a ni. An inkawmnaah hian Justice A K Sikri leh judge dang pahnih pawh an tel a, an thil sawiho kimchang erawh chu hriat a ni lo. Judge pali hian an hna an thawh chhunzawm zel a, Judge pali hian Chief Justice hi thubuai lian tham leh ram nghawng phak tur thilte ngaihtuahtu atana Judge senior te ruat lova, la thawk rei lo zawkte ruat \hinah an puh a ni.

Supreme Court judge senior zual pali lungawi lohna lo irh chhuah chhan ber pakhat chu Judge BH Loya-a thih dan chhuina thubuai ngaihtuah tura Supreme Court judge, senior lama 10-na, Arun Mishra ruat a nih vang nia ngaih a ni a, Judge Loya hi kum 2014, December ni 1 khan Nagpur-a mo lawmnaa a tel laiin lungphu chawlin a thi a, khatih lai kha Judge Loya-a’n tuna BJP President, Amit Shah-a inhnamhnawihna nia sawi, inkahna phuahchawpa Sohrabuddin Sheikh-a thah a nih thubuai a ngaihtuah lai a ni a, Loya a thih hnua amah thlaktu chuan Amit Shah hi thiam a chantir ta mai nia sawi a ni.

Hetiang hi a nih avangin Justice Arun Mishra hi nimina Judge te \hutkhawmnaah a rilru a na hle a, amah chu a \hianten an rin loh avangin he buaina hi a lo chhuak nia sawiin, a rilru nat thu a sawi a, Chief Justice leh Justice Chelameswar-a’n thil awm dan hrilhfiahin, Chief Justice pindanah an hruai nia thu dawn a ni.