CM vengtu Police-ten Sihphir-ah mi pakhat kut an thlak, damdawiinah enkawl mek a ni

0
657
views

CM vengtu, Police-ten nizana Sihphir mi pakhat kut an thlak nia sawi chu Durtlang Synod Hospital-ah enkawl mek a ni. He thil thlen dan chungchanga Zonet zawhna chhangin, kut tuartu, Sihphir kawn venga Pu Lalbiakzuala pizawn, Pi HS. Lal\huamliani chuan, an makpa hi Serkhana thingzai phur tura kal niin a sawi a. Sihphir lam pana an hawn lamah CM chuanna car-in tlan pelh a tum a, a thingzai phur chu a rih deuh bakah kawng chho chu a ulh deuh avangin a inpelhtir mai thei lova, hun remchang hmasa bera Serkhan Petrol Pump-a a intlanpelh tir dawn laiin, CM vengtu \henkhat chuan kut an thlak rawn ta niin a sawi a ni. Pi HS. Lal\huamliani sawi danin, Lalbiakzuala hian hliam a tuar nual a, a nak leh tai na a ti a, vawiin thleng khan a la zung \ha thei lova, tunah hian Durtlang Synod Hospital-ah enkawl mek a ni.

CM vengtu, Police hotu pakhat chuan, Lalbiakzuala hi CM motor kian tura hrilh nan siren an tihrik hnuah pawh kilometre 2 dawn lai, kawng kian duh lovin a tlan lui niin a sawi a. Serkhan Petrol Pump-a a motor a tih din pawhin an hmahruaitu Pilot motor a su lek lek a, an naute thinrimin kut an thlak ta niin a sawi. A hnua a chuanpui thu an zawh fiahnaah pawh a chuanpui hian CM motor chu kian tura \um 3 a ngen thu leh a ken duh loh thu a hrilh nghe nghe niin Police hotu chuan a sawi a. Nizana an thil tawn hi VIP kher ni lo, Private motor pawhin tawng ve se an \hin a rim ve tho a rin thu a sawi bawk.