CM vengtu Police-ten Sihphir driver kut an thlak nia sawi chungchang NHRC-in thu tlingah ngaiin, bawhzui atan a pawm niin Prism-in sawi

0
554
views

January ni 22 zana Chief Minister vengtu Police-ten Serkhan daia Sihphir Driver, Pu Lalbiakzuala kut an thlak nia sawi chungchang National Human Rights Commission hnena an thlen chu NHRC-in thutlingah ngaiin, bawhzui atan a pawm niin Prism-in an sawi a. Police-ten Driver, Lalbiakzuala kut an thlak nia sawi chu Chief Minister-in a pha lo nia sawiin, Home Minister leh a enkawl Home Deparment pawhin thudikah an pawm a, heti chunga pawikhawihtute hrem an ni lo chu hun kal zel atan thil tha lo zawk thlen thei nia an ngaih avangin a enfiah turin National Human Rights Commission-ah an thlen niin an sawi. Prism chuan he thil thleng chungchang hi tun thla ni 14 khan NHRC-ah an thlen a, hei hi pawm tawh niin, Case entry number chu 18,768 a ni tih Prism chuan an sawi.