College of Veterinary Science & Animal Husbandry din champha lawm

0
387
views

Central Agriculture University hnuaia Selesiha College of Veterinary Science & Animal Husbandry chuan vawiin khan an din champha zirlai zir chhuak tawh te, intawhkhawm an buatsaih a, a hmanpuitu Chief Minister, Pu Lal Thanhawla chuan thusawiin Central Agriculture University leh Mizoram sorkar inkara thawhdunna tha tak a awm avangin Selesiha College of Veterinary Science & Animal Husbandry chu India rama a tha ber zingah a tel phak niin a sawi a, Central Agriculture University hnuaiah vek Horticulture College, Thenzawlah din tuma hmalak a nih thu leh harsatna tuna awm te chingfel turin tan lak a nih thu a sawi a, he Horticulture College hi hawn a nih veleh Class neihna turin ruahmanna pawh siam fel ni tawhin a sawi a ni. Chief Minister chuan hmasawnna atan sorkar hmalakna lian ber NLUP chhunzawm nan NEDP siam a nih thu leh hei hi tunah hian kalpui mek a nih thu a sawi bawk. He inkhawmah hian Central Agriculture University Imphal Vice Chancellor, Prof. Premjit Singh leh College of Veterinary Science & Animal Husbandry Dean Dr. Kartikesan te pawhin thu an sawi a ni. Tun dinhmunah College of Veterinary Science & Animal Husbandry-ah hian Department 17-ah zirlai 357 an awm a ni.