Communist Party of Nepal, Unified Marxist Leninist ten sorkar thar an siam rin a ni

0
464
views

Nepal rama \angrual pawl – Communist Party of Nepal, Unified Marxist Leninist (CPN-UML) leh Communist Party of Nepal (Maoist Center) te chuan sorkar thar an siam rin a ni a, Parliament inthlanpuiah, hriat theih chinah bial 70 an la tawh a, bial dang 11-ah hma an hruai bawk niin Kathmandu Post-in a sawi. State hrang hranga inthlanna-ah pawh bial 134 an la tawh a, bial dang 20-ah hma an hruai niin a sawi bawk. He tangrual pawl thawhpui, Maoist Center chuan bial 27 an la tawh a, party lian ber leh hlun ber, Nepali Congress chuan bial 15 a la tawh a, bial dang 7-ah hma a hruai a ni. Nepal Election Commission chuan candidate 1,944 zinga 98 chu tlingah a puang tawh a, an zingah hian hmeichhe 3 an tel tih a sawi. Nepal ram House of Representatives leh Provincial Council inthlanna hi neih mek a ni a, January thla laihawl velah sorkar thar a din theih beisei a ni.